Designer Lassie

Trochled roon’ wi
pradaguccichanel

paintit wee toes
in nippit Manolos

rid jaikit belted
sae tight she’s
fair pechin’

a mooth
like she’s sooked
twa’ soor plooms
an’ found them
ower wersh

readin’ the windaes o’ a new place
firtae gae huntin’
fir designer gear
an’ saving weans
intae the bargain

a cruel glimmert
o’ sun casts a beam
ower her cheek
pierces the maquillage
an’
Oh Goad
she’s
nae lassie.