A wumman watches frae her windae the struggle o’ a brave beastie

[Wi' a nod tae Bruce's cratur]

ower the hour’s fallin’
that eight leggit beastie
workin’ sae industrious

wan shank hingin’ oan
tae the silkety guyropes
while thithers mended
a web sair torn aboot

by an Edinburgh bluster
sic a seamstress she wiz
belly laden wi’ weans arachnidan

a pause tae
break fast wi’
wan shrivelled wee flech
then abseilin’ back
tae the safety
o’ mah windae frame