Ah sit oan mah bahookie

Ye want tae ken whit ah dae?
Ah sit oan mah bahookie greetin’
fir lang oors
an’ when ahm puggled
wi’ grief ‘n greetin’
ah coorie in wi’
an aul’ teddy whae’s in worse shape thin ah ahm
ane eye’s hingin’ oot ‘n the ither’s lang gone
and a’ the straw that kept him stuffed
is open tae the blast
aye richt enough we’re no’ sae different
him an’ me.

Ah cannae bear
tae see the world wear
sic a sleekit smile
aw richt in balance
sae ah watch insteed
thae glaikit eejits cavortin’
oan the box
‘n draw the blinds richt tight aroon mah wee hoose.

Whit keeks oot frae thon dark-kirtled fankle
hiz the brains o’ a yow
whaur once wiz reasonin’
as sharp as a needle jag.